Abeed Azad

🔻തന്റെ ആദ്യ മിഷനിലെ വിജയത്തിന് ശേഷം വീണ്ടും അഞ്ജാതവാസത്തിലായി ടോപ്പർ. ആ സമയത്ത് തന്നെയാണ് അമേരിക്കയിലെ കുറച്ച് ജനങ്ങളെ സദ്ദാം ബന്ദിയാക്കിയത്. അവരെ രക്ഷിക്കാനായി പോയവരും ഇപ്പോൾ ബന്ദികളാണ്. അവരെ രക്ഷിക്കാൻ പോയവരുടെ അവസ്ഥയും അത് തന്നെ. ഇനിയീ രക്ഷാപ്രവർത്തനം നയിക്കാൻ ടോപ്പറിന് മാത്രമേ സാധിക്കുകയുള്ളൂ.

Year : 1993
Run Time : 1h 26min

🔻ആദ്യഭാഗത്തേക്കാൾ ചിരിപ്പിച്ച ഒരുഗ്രൻ സ്പൂഫ് ആണ് സിനിമയുടെ രണ്ടാം ഭാഗം. ആദ്യഭാഗത്തിലുണ്ടായ പല റഫറൻസും കണ്ടിട്ടില്ലാത്തത് കൊണ്ടാവണം രണ്ടാം ഭാഗത്തിൽ റഫറൻസുകളുടെ എണ്ണം ഗണ്യമായി കൂടിയതായി തോന്നിയത്. റാംബോയും ടെർമിനേറ്ററുമടക്കം സിനിമകളുടെ നീണ്ട നിര തന്നെ കാണാം ഈ സിനിമയിൽ. അതൊക്കെയും ചിരിപ്പിച്ചതിന് കയ്യും കണക്കുമില്ല. Celibacy Sucks എന്ന ബാനർ പോലും പൊട്ടിച്ചിരിപ്പിച്ച ഒന്നായി മാറി. ആദ്യഭാഗത്തിൽ അഡ്മിറൽ ആയിരുന്നു കോമഡി പീസ് എങ്കിൽ ഇത്തവണ പ്രസിഡന്റാണ്. പുള്ളിക്കാരൻ വാ തുറന്നാൽ കോമഡിയാണ് എന്ന അവസ്ഥ. ഒപ്പം അടിപൊളി വില്ലനും. റെസ്ക്യൂ മിഷൻ സീനൊക്കെ അമ്മാതിരി ക്രിയേറ്റിവിറ്റിയാണ്.

🔻ആദ്യഭാഗം ഇഷ്ടപ്പെട്ടെങ്കിൽ അതിലേറെ പൊട്ടിച്ചിരിക്കാനായി തീർച്ചയായും രണ്ടാം ഭാഗവും കാണൂ. ഒറ്റയിരിപ്പിന് രണ്ടുഭാഗവും കണ്ടുതീർത്ത് ചിരിച്ച് അർമ്മാധിച്ച ഒരു ആസ്വാദകനെന്ന നിലയിൽ പൂർണ്ണ സന്തോഷം മാത്രം ഫലം.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻Ramboയും Predatorഉമൊക്കെ നമ്മുടെ സിനിമാ ആസ്വാദനത്തിന് വഹിച്ച പങ്ക് ചില്ലറയല്ല. ചെറുപ്പത്തിൽ ഇത്രയേറെ ആവേശത്തോടെ കണ്ട ആക്ഷൻ സീനുകളും കുറവാകും. നായകത്വത്തിന് ഹോളിവുഡിലെ പര്യായങ്ങളുമായിരുന്നു അർണോൾഡും സില്വസ്റ്ററും. അവരൊക്കെയും കത്തി നിൽക്കുമ്പോൾ ഇറങ്ങിയ ഒരുഗ്രൻ സ്പൂഫ് സിനിമയാണ് Hot Shots!

Year : 1991
Run Time : 1h 24min

🔻രാജ്യത്തിൻറെ ഒരു വലിയ മിഷന് വേണ്ടി ടോപ്പർ ഹാർലിയെന്ന ഏറ്റവും മികച്ച പൈലറ്റിനെ തിരിച്ച് വിളിക്കാൻ തീരുമാനിച്ചിരിക്കുകയാണ് അധികാരികൾ. എന്നാൽ അച്ഛന്റെ മരണത്തിൽ മാനസികമായി അസ്ഥിരതയിലായ ടോപ്പർ പ്രതീക്ഷിച്ചത് പോലെ തന്റെ യൂണിഫോമിൽ കയറാൻ ഒരുക്കമായിരുന്നില്ല. ഒടുക്കം ഒരുപാട് നിർബന്ധത്തിന് വഴങ്ങി അദ്ദേഹം കരിയറിൽ തിരിച്ച് വരികയാണ്.

🔻ഒരു സ്പൂഫ് മൂവിക്ക് വേണ്ട കൃത്യമായ ചേരുവകളാണ് ഈ സിനിമയിൽ കാണാനാവുക. ഗൗരവകരമായ സീനുകൾ പൊടുന്നനെ കോമഡിയായി മാറുന്ന കാഴ്ച്ചയാണ് ഏറ്റവും രസകരം. ഒപ്പം ഒരുപാട് റഫറൻസുകളും(രണ്ടാം ഭാഗത്തിൽ അതിലിരട്ടിയുണ്ട്). തുടക്കം മുതൽ ഒടുക്കം വരെ കോമഡി കൊണ്ട് ആറാട്ടാണ്. ഉഗ്രൻ കഥാപാത്രങ്ങളും കിടിലൻ വഴിത്തിരിവുകളും കൗണ്ടറുകളും നിറഞ്ഞുനിൽക്കുന്ന സിനിമ. അഡ്മിറലിനെ ഒരിക്കലും മറക്കാൻ സാധ്യതയില്ല.

🔻മതിമറന്ന് ചിരിക്കാനാഗ്രഹിക്കുന്ന ഒരു കോമഡി സിനിമ കാണണോ. ധൈര്യമായി തലവെച്ചോളൂ Hot Shotsന് മുന്നിൽ. കിടിലൻ എന്റെർറ്റൈനെർ ഗ്യാരന്റി.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻മുതലാളി ഇപ്പോ പഴയ മുതലാളിയല്ല. അൽപ്പം ബുദ്ധിയൊക്കെ വെച്ചു. ഗ്യാസ് സ്റ്റേഷൻ നിരന്തം മോഷ്ടിക്കാൻ ആളുകൾ ക്യു നിൽക്കുന്നതോടെ അത് തടയാൻ പുതിയൊരു വഴി തേടി പുള്ളിക്കാരൻ. മാർഷ്യൽ ആർട്സിൽ അഗ്രകണ്യരായ പണിക്കാരെ ജോലിക്ക് നിർത്തുക. ആ സാഹചര്യത്തിൽ തന്നെയാണ് പുതിയൊരു നാൽവർ സംഘം അടുത്ത മോഷണത്തിന് പ്ലാൻ ചെയ്യുന്നത്.

Year : 2010
Run Time : 1h 51min

🔻ആദ്യഭാഗത്തിൽ കഥയെ കോമഡിക്കായി പറ്റുന്നത്ര ഉപയോഗിക്കാൻ സാധിക്കാതിരുന്നതിന്റെ വിഷമം രണ്ടാം ഭാഗത്തിൽ തീർത്തിട്ടുണ്ട്. അത്ര നർമ്മങ്ങൾ നിറഞ്ഞ അവതരണമാണ് ഇത്തവണ സംവിധായകൻ ഉപയോഗിച്ചിരിക്കുന്നത്. ജോലിക്ക് നിൽക്കുന്നവരും മോഷ്ടിക്കാൻ വരുന്നവരും ചുമ്മാ വന്നുപോവുന്നവർ വരെ വൺലൈനറിലൂടെ ചിരിപ്പിക്കുന്നുണ്ട്. അതിലൊരു നിഷ്കളങ്കയായ പെൺകുട്ടിയുണ്ട്. പുള്ളിക്കാരിയുടെ സിറ്റുവേഷൻ കോമഡിയൊക്കെ പൊട്ടിച്ചിരിക്ക് വക നൽകി എന്ന് പറയാം. ഒപ്പം നല്ല രസികൻ ആക്ഷൻ രംഗങ്ങളും അടിപൊളി ക്ലൈമാക്സും കൂടിയാവുമ്പോൾ ഫൺ ഗ്യാരന്റി.

🔻തീർച്ചയായും ആദ്യഭാഗത്തേക്കാൾ തൃപ്തി നൽകുന്ന അടിപൊളിയൊരു എന്റെർറ്റൈനെർ ആണ് ഈ രണ്ടാം ഭാഗം. കോമഡി ആയാലും ആക്ഷൻ ആയാലും എന്തുകൊണ്ടും സാറ്റിസ്ഫാക്ഷൻ ഉറപ്പ്.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ആ നാൽവർ സംഘം അന്ന് രാത്രി  ഒരു ഗ്യാസ് സ്റ്റേഷൻ കൊള്ളയടിക്കാനുള്ള പദ്ധതിയിലായിരുന്നു. കിട്ടുന്ന കാശും അടിച്ചുമാറ്റി സുഖമായി ജീവിക്കുക എന്ന പ്ലാനിൽ അവർ ആ സ്റ്റേഷനിൽ കയറി. എന്നാൽ പ്രതീക്ഷിച്ചത് പോലെ അത്ര സിമ്പിളായിരുന്നില്ല ആ മോഷണം. ഒപ്പം പുറകെ കുറെ വയ്യാവേലികളും.

Year : 1999
Run Time : 1h 53min

🔻കേൾക്കുമ്പോൾ തന്നെ കഥയിലൊരു ഫ്രഷ്‌നെസ്സ് നൽകാൻ സിനിമക്കാവുന്നുണ്ട്. അതോടൊപ്പം രസകരമായ ചില കഥാപാത്രങ്ങളും പൊട്ടിച്ചിരിപ്പിക്കുന്ന രംഗങ്ങളും കൂടിയായാൽ സംഗതി കുശാൽ. ചിത്രം ഒരു പരിധി വരെ അതിൽ വിജയിച്ചിട്ടുണ്ട്. എങ്കിലും അതിനെ പൂർണ്ണമായി പ്രയോജനപ്പെടുത്താനായിട്ടില്ല എന്ന് വേണം പറയാൻ. ചിരി പകരുന്ന ഒട്ടനവധി രംഗങ്ങൾ ഉണ്ടെങ്കിലും പല കോമഡികളും ഇടക്ക് നനഞ്ഞ പടക്കങ്ങൾ ആവുന്നുണ്ട്. ഒടുക്കം കൂട്ടപ്പൊരിച്ചിലോടെ അത്യാവശ്യം നല്ല രീതിയിൽ തന്നെ അവസാനിപ്പിച്ചിട്ടുണ്ട്. ആക്ഷൻ സീനുകളൊക്കെ മികവ് പുലർത്തി.

🔻ഇറങ്ങിയ കാലം വെച്ച് നോക്കിയാൽ നിലവാരം പുലർത്തുന്ന ചിത്രം തന്നെയാണിത്. ടൈംപാസ്സിനായി കണ്ടുമറക്കാവുന്ന ചെറിയൊരു ചിത്രം. ആ ലാഘവത്തോടെ മാത്രം കാണുക.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഒരുപക്ഷെ ആ സ്‌കൂളിലെ ഏറ്റവും ഉഴപ്പൻ വിദ്യാർത്ഥി ആയിരിക്കാം Joon-Soo. മാതാപിതാക്കൾ ഉണ്ടാക്കിവെച്ച കാശിന്റെ ഹുങ്കിൽ ജീവിക്കുന്ന ഒരുവൻ. ഭാവിയെ പറ്റി യാതൊരു ബോധവും ഇല്ല. അടിച്ചുപൊളിച്ച് ജീവിക്കുക മാത്രമാണ് ലക്‌ഷ്യം. അങ്ങനെയൊരാളുടെജീവിതത്തിലേക്കാണ് അപ്രതീക്ഷിതമായി ഒരു കുട്ടി കടന്നുവരുന്നത്. സൂപ്പർ മാർക്കറ്റിൽ ഷോപ്പ് ചെയ്യവേ തന്റെ ശ്രദ്ധയൊന്ന് തെറ്റിയപ്പോൾ തന്റെ cartൽ ആരോ വെച്ചിട്ട് പോയതാണ്. കൂടെയൊരു കത്തും. താനാണ് ഈ കുട്ടിയുടെ അച്ഛനെന്നും.

Year : 2008
Run Time : 1h 38min

🔻മുമ്പ് കണ്ടുപരിചിതമായ, എന്നാൽ രസകരമായ പ്രമേയമാണ് ചിത്രത്തിന്റേത്. അത് അവതരിപ്പിച്ചതിലെ രസച്ചരടിലാണ് ചിത്രം നല്ലൊരു അനുഭവമായി മാറുന്നത്. ഒരുപാട് നർമ്മരംഗങ്ങളുള്ള, മനസ്സ് നിറക്കുന്ന സന്ദർഭങ്ങളാൽ സമ്പന്നമായ, തൃപ്തി നൽകുന്ന പര്യവസാനത്താൽ തിരശീല വീഴുന്ന ഒരു കൊച്ചുചിത്രം. ഒരു 18കാരൻറ്‍റെ ആവലാതികളെല്ലാം വളരെ രസകരമായി അവതരിപ്പിക്കാൻ സംവിധായകന് സാധിച്ചിട്ടുണ്ട്. അതിനേക്കാൾ ബുദ്ധിപരമായ നീക്കമായി തോന്നിയത് ആ കുട്ടിക്ക് കൊടുത്ത വോയ്‌സ്ഓവറാണ്. അത് ചിരിപ്പിക്കുന്നതിന് കയ്യും കണക്കുമില്ല എന്ന് വേണം പറയാൻ.

🔻തമാശയും പ്രണയവും ആത്മബന്ധങ്ങളും എല്ലാം നിറഞ്ഞ ഒരു കൊച്ച് ചിത്രം എന്ന നിലയിൽ കണ്ടാൽ സമയനഷ്ടം തോന്നിക്കാത്ത പുഞ്ചിരി നൽകുന്ന ഒരു അനുഭവം കണ്ട് അവസാനിപ്പിക്കാം.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻പീറ്ററും കൂട്ടരും ഇപ്പോഴും Mcgregor മുത്തച്ഛന്റെ തോട്ടത്തിൽ നിന്ന് പഴങ്ങളും പച്ചക്കറികളും അടിച്ചുമാറ്റിത്തന്നെയാണ് വിശപ്പടക്കുന്നത്. അപ്പൂപ്പൻ എത്രയൊക്കെ തടയാൻ നോക്കിയാലും ആ കടമ്പകളൊക്കെയും കടന്ന് അവർ തോട്ടത്തിനുള്ളിൽ എത്തിയിരിക്കും. എന്നാൽ ഒരു ദിവസം അവരുടെ കണ്മുന്നിൽ വെച്ച് അപ്പൂപ്പൻ മരണപ്പെടുന്നു. അതോടെ തങ്ങൾ സ്വതന്ത്രരായെന്ന സന്തോഷത്തിൽ തോട്ടത്തിലും വീട്ടിലും തകർത്തടുക്കിയ പീറ്ററിനും കൂട്ടർക്കും നേരിടേണ്ടി വന്നത് പുതിയൊരു കുരിശാണ്.

Year : 2018
Run Time : 1h 35min

🔻പീറ്റർ റാബിറ്റ് 19s kidsന് നൽകുന്ന ഒരു നൊസ്റ്റാൾജിയയുണ്ട്. അത് പ്രതീക്ഷിച്ച് ആരും ഈ സിനിമയെ സമീപിക്കേണ്ട. വലിയ തോതിൽ നൊസ്റ്റാൾജിയ ഇതിൽ നിന്ന് ലഭിക്കുന്നില്ലെങ്കിലും എന്റർടെയ്ൻമെന്റ് എന്ന സംഗതി പീറ്റർ റാബിറ്റ് നൽകുന്ന വലിയൊരു വാഗ്ദാനമാണ്. തുടക്കം മുതൽ ഒടുക്കം വരെ ഒരുപാട് ചിരിക്കാനും ഉല്ലസിച്ച് കാണുവാനും പറ്റിയൊരു ചിത്രമാണ് പീറ്റർ റാബിറ്റ്. ഒരു നിമിഷം പോലും ബോറടിയില്ലെന്ന് മാത്രമല്ല പ്രതീക്ഷിച്ചതിനുമപ്പുറം മുന്നിട്ട് നിൽക്കുന്ന നല്ലൊരു ഫൺ റൈഡ് കൂടിയായി ചിത്രം. രസകരമായ ഡയലോഗുകളും കൗണ്ടറുകളും കഥാപാത്രങ്ങളുമൊക്കെയായി ഒന്നര മണിക്കൂർ സമയം പോവുന്നതറിയില്ല.

🔻നൊസ്റ്റാൾജിയ വേണ്ട എന്റർടെയ്ൻമെന്റ് മാത്രം മതി എന്ന മൈന്റ് സെറ്റ് ആണെങ്കിൽ ധൈര്യമായി കണ്ടോളൂ പീറ്റർ റാബിറ്റിന്റെ അഭ്യാസങ്ങൾ. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാം എന്നതും ചിത്രം മുന്നോട്ട് വെക്കുന്ന സ്പെഷ്യലിറ്റിയാണ്.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഹാലോവീൻ ദിവസം തന്റെ കാമുകനുമായി പിരിയേണ്ടി വന്നതിന്റെ വിഷമത്തിലാണ് ഹാർപ്പർ. ആ സമയത്താണ് തന്റെ സുഹൃത്തുക്കൾ ഹാലോവീൻ ആഘോഷിക്കാനായി പുറത്തേക്ക് പോവാൻ വിളിക്കുന്നത്. പബ്ബിൽ അൽപ്പം ആഘോഷിച്ച ശേഷം അവിടെ നിന്ന് സുഹൃത്തുക്കളെയും കൂട്ടി അവർ ആഘോഷത്തിന്റെ ആക്കം കൂട്ടാൻ ഹാലോവീൻ സ്പെഷ്യലായ 'Haunted House' തിരക്കയിറങ്ങി. കുറച്ച് തിരച്ചിലുകൾക്കൊടുവിൽ അവർ തങ്ങളുടെ ലക്ഷ്യത്തിലേക്ക് എത്തിച്ചേരുന്നു. എന്നാൽ അവർ പ്രതീക്ഷിച്ചതിനുമപ്പുറം ഭയാനകമായ സംഗതികളാണ് അവരെ കാത്തിരുന്നത്.

Year : 2019
Run Time : 1h 32min

🔻ഒരു പുതുമയുമില്ലാത്ത പ്രമേയമാണെന്നറിയാം. എപ്പോഴോ ഫോണിൽ കയറിക്കൂടിയതാണ് ഈ ചിത്രം. ഒരു പ്രതീക്ഷയുമില്ലാതെയാണ് കണ്ടുതുടങ്ങിയത്. എന്നാൽ അധികം ഹൊറർ കാണാത്ത വ്യക്തിയെന്ന നിലയിൽ എന്നെ തൃപ്തിപ്പെടുത്താൻ പോന്ന ചേരുവകളൊക്കെയും ചിത്രത്തിലുണ്ടായിരുന്നു. സൂപ്പർ നാച്ചുറൽ എലമെന്റുകളും ആവശ്യത്തിന് മാത്രം ഉപയോഗിച്ചിരിക്കുന്ന ഹൊറർ സീനുകളും സ്ലേഷർ എന്ന് തോന്നിക്കുന്ന ചില രംഗങ്ങളുമൊക്കെയായി ചുരുങ്ങിയ നേരം കൊണ്ട് തൃപ്തി തന്ന ഡീസന്റ് സിനിമ. മറ്റ് സാധ്യതകൾ ഒന്നും തന്നെയില്ലാഞ്ഞിട്ടും പുതുമ സമ്മാനിക്കാനുള്ള ആത്മാർത്ഥമായ ശ്രമങ്ങൾ ചിലയിടങ്ങളിലെങ്കിലും കാണാനാവുന്നുണ്ട്.

🔻യാതൊരു അവകാശവാദങ്ങളുമില്ല. ഹൊറർ സിനിമകൾ പാടേ അവഗണിക്കുന്ന ഒരാളിൽ നിന്നുള്ള അഭിപ്രായമായി മാത്രം ഇതിനെ കണ്ടാൽ മതി. ഒരു  ചാൻസ് എടുത്ത് സ്വയം വിലയിരുത്തുക. പോയാൽ കുറച്ച് സമയവും ഡേറ്റയും. കിട്ടിയാൽ തരക്കേടില്ലാത്ത ഒരു ചിത്രവും. അത്രമാത്രം.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ഒരു തെറ്റും ചെയ്യാതെ താൻ ഇത്രയും നാൾ ജോലി ചെയ്തുകൊണ്ടിരുന്ന കമ്പനിയിൽ നിന്ന് തന്നെ പുറത്താക്കിയപ്പോൾ എന്തെന്നില്ലാത്ത ദേഷ്യമായിരുന്നു ഡെറിക്കിന്. അതും കമ്പനിയുടെ പിഴവിൽ ബലിയാടാവേണ്ടി വന്ന ഒരാളെന്ന നിലക്ക്. അതിനായി ചരട് വലിച്ച തനിക്ക് മുകളിൽ ജോലി ചെയ്യുന്നവരോടും ബോസിനോടും പാർട്ണർമാരോടും എന്തെന്നിലാത്ത വിധ്വേഷമായി പുള്ളിക്കാരനിൽ. എന്തെങ്കിലും പണി കൊടുക്കും എന്നാലോചിച്ച് ഇരുന്നപ്പോഴാണ് എന്ത് ചെയ്താലും രക്ഷപ്പെടാവുന്ന വലിയൊരു ലൂപ്പ് ഹോൾ അദ്ദേഹത്തിന് മുന്നിൽ പ്രത്യക്ഷപ്പെട്ടത്.

Year : 2017
Run Time : 1h 26min

🔻ആ ലോപ്പ്ഹോളാണ് ID-7 വൈറസ്. ആ വൈറസ് ശരീരത്തിൽ കയറിയാൽ പിന്നെ ഒരു വികാരങ്ങളും ആ ഹോസ്റ്റിന്റെ നിയന്ത്രണത്തിൽ ആയിരിക്കില്ല. ദേഷ്യവും കാമവുമെല്ലാം അതിന്റെ പാരമ്യതയിൽ എത്തിനിൽക്കുന്ന അവസ്ഥ. ഇപ്പോഴത് എത്തിനിൽക്കുന്നത് ഡെറിക്ക് ജോലി ചെയുന്ന കമ്പനിയിലാണ്. So what happened  next.?

🔻ചോരചീന്തലുകളുടെ അയ്യര് കളിയാണ് ഈ സിനിമ. Battle Royale തീമിൽ ഒരുങ്ങിയതാണെന്ന് തോന്നുമെങ്കിലും അതിനേക്കാൾ വ്യത്യസ്തമായിരുന്നു അനുഭവം. വളരെ വേഗത്തിലുള്ള അവതരണവും കിടിലൻ ആക്ഷൻ സീനുകളും രോമാഞ്ചം നൽകുന്ന സന്ദർഭങ്ങളുമൊക്കെയായി നല്ല രസികൻ അനുഭവം. ഒപ്പം Samara Weavingന്റെ ചില ക്യൂട്ട് expressionsഉം ചിരിക്ക് വക നൽകുന്നുണ്ട്.

🔻ＦＩＮＡＬ ＶＥＲＤＩＣＴ🔻

വയലൻസ് കലർന്ന ആക്ഷനിൽ താൽപര്യമുള്ളവർക്ക് ധൈര്യമായി കാണാവുന്ന ടൈംപാസ് മൂവിയാണ് Mayhem. The Belko Experimentന്റെ updated versionആയി ആദ്യം തോന്നിയെങ്കിലും അതിലും ആസ്വാദ്യകരമായ ഒന്നര മണിക്കൂർ നൽകുകയായിരുന്നു ചിത്രം.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻ലോകത്തിലെ ഏറ്റവും മികച്ച super spy. അതാണ് ലാൻസ്. ഒരുപാട് ആരാധകർ. എല്ലാ മിഷനിലും വിജയം. അത്തരത്തിൽ ഒരാൾക്ക് തന്റെ ഏജൻസിയിലെ പാവത്താനായ വാൾട്ടറുമായി ചേർന്ന് പ്രവർത്തിക്കേണ്ടി വരുന്ന ഒരു റെസ്ക്യൂ ഓപ്പറേഷനാണ് രസകരമായി അവതരിപ്പിച്ചിരിക്കുന്നത്.

Year : 2019
Run Time : 1h 42min

🔻നല്ല കിടിലൻ എന്റർടൈൻമെന്റ് വാല്യൂ ഉള്ള സിനിമയാണ് spies in disguise. തുടക്കം മുതൽ ഒടുക്കം വരെ നിർത്താതെ ചിരി സമ്മാനിക്കുന്ന പ്രമേയവും അവതരണവും. ലാൻസിന്റെ സ്റ്റൈലിഷ് എൻട്രിയോടെയാണ് കാര്യങ്ങളുടെ തുടക്കം. അപ്പോൾ തന്നെയൊരു അടിപൊളി ആക്ഷൻ സീൻ ഉണ്ട്. വാൾട്ടറിനെ പറ്റിയും ഒരു ചെറിയ സൂചന തുടക്കം നൽകുന്നുണ്ട്. തീരെ പ്രതീക്ഷിക്കാതെ കഥയിൽ വന്ന ഒരു പ്രത്യേക എലമെന്റിൽ സുഹൃദ്ബന്ധത്തിന്റെ കഥ കൂടിയായി ചിത്രം മുന്നോട്ട് വെക്കുന്നത്. പിന്നീടങ്ങോട്ട് ആക്ഷനും കോമഡിയും എല്ലാം ചേർന്നൊരു പൂരമാണ്.

🔻വിൽ സ്മിത്തിന്റേയും ടോം ഹോളണ്ടിന്റെയും കോമഡി ടൈമിങ്ങ് അപാരമാണ്. ആ കഥാപാത്രങ്ങൾക്ക് അമ്മാതിരി വോയിസ് ആണ് ഇരുവരും നൽകിയിരിക്കുന്നത്. സിനിമയുടെ ഹൈലൈറ്റും അത് തന്നെയാണ്. ഒപ്പം പെർഫെക്റ്റ് എന്ന് തോന്നിയ ആനിമേഷൻ വർക്കുകളും കാഴ്ചാവിരുന്ന് തന്നെയായിരുന്നു.

🔻Spies In Disguise Is Super-Duper Cool. Just Watch & Get Entertained In Every Sense..!!

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2019
Run Time : 2h 14min

🔻വരുണും ദീപ്തിയും ഏഴ് വർഷമായി കുട്ടികൾക്കായി ട്രൈ ചെയ്തുകൊണ്ടിരിക്കുകയാണ്. തങ്ങളുടെ കയ്യിലുള്ള ട്രൈ മുഴുവൻ സമർപ്പിച്ച ശേഷവും അത്ഭുതങ്ങളൊന്നും സംഭവിക്കാത്തത് കൊണ്ട് അടുത്ത സ്റ്റെപ്പായ IVFനെക്കുറിച്ച് അവർ ചിന്തിക്കുന്നു. അതിനായി ഡോക്ടർ ജോഷിയുടെ ലാബിൽ അവർ എത്തിച്ചേരുന്നു. സന്തോഷത്തിന്റെയും പ്രതീക്ഷയുടെയും ദിവസങ്ങൾ അവരുടെ ജീവിതത്തിലൂടെ കടന്ന് പോവുന്ന സമയത്താണ് ജോഷിയുടെ ഒരു കോൾ അവരെത്തേടി വന്നത്. വേഗം ലാബിലേക്ക് വരണം എന്നായിരുന്നു ആഞ്ജ. അതോടെ അവരുടെ പ്രതീക്ഷകൾ തകിടം മറിയുകയാണ്.

🔻അക്ഷയ് കുമാറിന്റെയും കരീനയുടെയും കോമ്പിനേഷൻ സീനുകളിലെ വൺ ലൈനറുകളിൽ നിന്നായിരുന്നു ചിരിയുടെ തുടക്കം. ആ കൂട്ടത്തിലേക്ക് ദിൽജിത്തും കിയാറയും കൂടി ചേർന്നപ്പോൾ ഈയടുത്ത് കണ്ടതിൽ ഏറെ ചിരിപ്പിച്ച ബോളിവുഡ് മൂവിയായി Good Newwz. കഥയിൽ പുതുമകൾ യാതൊന്നും പ്രതീക്ഷിക്കാത്തത് കൊണ്ട് തന്നെ അതിൽ വന്ന കോമഡികൾ നന്നായി ആസ്വദിക്കാനായി. സിറ്റുവേഷൻ കോമഡികൾ ആവോളമുണ്ടായിരുന്നു പിടിച്ചിരുത്താൻ. ഒരു രംഗത്തിലെ വെറുപ്പിക്കൽ ഒഴികെ ബാക്കിയെല്ലാം നന്നെ ബോധിക്കുകയും ചെയ്തു.

🔻കഥയിൽ പുതുമയും മറ്റും പ്രതീക്ഷിക്കാതെ entertainment എന്ന ഘടകം മാത്രമാണ് തേടുന്നതെങ്കിൽ ഗുഡ് ന്യൂസ് നല്ലൊരു ചോയ്‌സ് തന്നെയാണ്. അവസാനരംഗങ്ങളിൽ അൽപ്പം മെലോഡ്രാമയുണ്ടെങ്കിൽ കൂടി അവയൊന്നും മടുപ്പിക്കാതെ കൈകാര്യം ചെയ്തിട്ടുണ്ട്. ടൈം പാസ്സ് ഫ്ലിക്ക് എന്ന ലേബൽ എന്തുകൊണ്ടും ചേരും ഈ ചിത്രത്തിന്.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2019
Run Time : 2h 6min

🔻പതിവ് കാർത്തിക് ആര്യൻ സിനിമ പോലെ തന്നെ മറ്റൊരു ചിത്രം. പുതുമയില്ലാത്ത കഥയാണെങ്കിലും ആവശ്യത്തിന് കോമഡി നമ്പറുകൾ ഭംഗിയായി കോർത്തിണക്കിയ നല്ലൊരു എന്റർടൈനർ ആണ് Pati Patni Aur Woh. കാർത്തിക്കിന് പതിവ് മാനറിസവും നെടുനീളൻ ഡയലോഗുകളും കൊണ്ട് തകർക്കാൻ സ്‌പേസ് ഉള്ളപ്പോഴും ശ്രദ്ധ നേടുന്നത് അപർശക്തിയുടെ ഫഹീം റിസ്‌വി എന്ന കഥാപാത്രമാണ്. പുള്ളിയെ സ്‌ക്രീനിൽ കണ്ടാൽ ചിരി ഗ്യാരന്റി എന്ന കണക്കെയാണ് സിനിമയുടെ പോക്ക്. കൺഫ്യൂഷൻ കോമഡി നന്നായി ചിരിക്കാനുള്ള വക നൽകുന്നുണ്ട്.

🔻നായികമാരായ ഭൂമിയെയും അനന്യയെയും അപാര ക്യൂട്ടിനെസ്സോടെ സിനിമയിൽ കാണാം. ഇരുവരുടെയും റോളുകൾ ഒട്ടും വെല്ലുവിളി ഉയർത്തുന്നതല്ലെങ്കിലും സംഗതി കളറായി. ഭൂമിയുടെയും കാർത്തികിന്റെയും ഇന്ററാക്ഷൻ സീനുകൾ രസകരമായിട്ടുണ്ട്. ആ രംഗങ്ങളിലെ ഡയലോഗുകളും. ഒടുക്കം ഊഹിക്കാവുന്ന സിമ്പിളായ ഒരു ഉപസംഹാരത്തിൽ എത്തിച്ചേരുന്നതോടെ ചിത്രം അവസാനിക്കുന്നു.

🔻കാർത്തിക്ക് ആര്യന്റെ luka chuppiയോളം ഇഷ്ടപ്പെട്ടില്ലെങ്കിലും നിരാശ നൽകാത്ത ഒരു എന്റെർറ്റൈനെർ ആണ് ഈ ചിത്രം. കഥയൊന്നും വകവെക്കാതെ നേരമ്പോക്ക് മാത്രമാണ് ഉദ്ദേശമെങ്കിൽ കുറെ ചിരിക്കാൻ വക നൽകുന്ന തൃപ്തികരമായ ടൈംപാസ്സ് ഫ്ലിക്ക്.

ＡＢ ＲＡＴＥＳ ★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

🔻പോലീസിനെയും നിയമവ്യവസ്ഥയെയും വെല്ലുവിളിക്കുന്ന, വളരെ പൈശാചികവും  ഈഗോയിസ്റ്റിക്കുമായ mindset ഉള്ള ഒരു വില്ലനെ നേരിടേണ്ടി വരികയാണ് SP ശിവാനി റോയിക്ക്. പെൺകുട്ടികളെ തട്ടിക്കൊണ്ട് പോവുകയും ക്രൂരവും മൃഗീയവുമായ രീതിയിൽ കൊലപ്പെടുത്തുകയും ചെയ്യുന്ന സൈക്കോ. കുത്തനെ കൂടിക്കൊണ്ടിരിക്കുന്ന ക്രൈം റേറ്റിന് ആക്കം കൂട്ടാതിരിക്കാൻ ആ കൊലയാളിയെ കണ്ടെത്തുകയെന്നതാണ് ഒരേയൊരു പോംവഴി.

Year : 2019
Run Time : 1h 43min

🔻ഒരു സസ്പെൻസ് ത്രില്ലറല്ല മർദാനി 2. ആദ്യ രംഗം തന്നെ വില്ലനെ കാണിക്കുകയും തുടർന്ന് കേന്ദ്രകഥാപാത്രങ്ങൾ തമ്മിലുള്ള ക്യാറ്റ് & മൗസ് ഗെയിമുമാണ് നമുക്കായി കാത്തിരിക്കുന്നത്. അങ്ങനെയൊരു പ്ലോട്ടിൽ വരാവുന്ന ക്ലിഷേകൾ പലതും ലൈവായി നിലനിൽക്കുന്നതും അവതരണത്തിലെ old school ശൈലി ആസ്വാദനത്തെ ഒരൽപം പിന്നോട്ടടിക്കുന്നതും സിനിമയിൽ പോരായ്‌മ തന്നെയാണ്. എന്നാൽ വില്ലനായി വന്ന Vishal Jethwaയുടെ ഗംഭീര പ്രകടനം നമ്മെ വിസ്മയിപ്പിക്കും. ഒപ്പം ചിത്രം മുന്നോട്ട് വെക്കുന്ന ആശയങ്ങളും gender equality, സ്ത്രീസുരക്ഷ, ഇന്ത്യയിലെ ക്രൈം റേറ്റ് തുടങ്ങിയ വിഷയങ്ങളിൽ  സൊസൈറ്റിയുമായുള്ള കലഹങ്ങളും എല്ലാ കാലഘട്ടത്തിലും പ്രസക്തിയാർജിക്കുന്ന ഒന്നാണ്. പ്ലോട്ടിനോട് ചേർന്ന് നിൽക്കാത്ത ഒറ്റ രംഗം പോലും ഒന്നേ മുക്കാൽ മണിക്കൂർ മാത്രം ദൈർഖ്യമുള്ള ചിത്രത്തിൽ കാണിച്ച് തരാനാവില്ല. അത്ര crisp യും വെടിപ്പായും ത്രില്ലർ ഒരുക്കുന്നതിൽ സംവിധായകൻ വിജയിച്ചിട്ടുണ്ട്. ഒപ്പം റാണി മുഖർജിയും മികച്ച പ്രകടനം കാഴ്ചവെച്ചിട്ടുണ്ട്.

🔻ത്രില്ലർ പ്രേമികൾക്ക് തീർച്ചയായും ഒരു തവണ കാണാനുള്ള വക മർദാനി 2 ഒരുക്കിവെച്ചിട്ടുണ്ട്. പോരായ്മകൾ ഒരുപാടുണ്ടെങ്കിലും  ചിത്രം കൈകാര്യം ചെയ്യുന്ന വിഷയത്തിന്റെ തീവ്രത കൊണ്ട് അവയൊക്കെയും മറന്ന് കളയാൻ സാധിക്കും. ഫലമോ അത്യാവശ്യം ആസ്വദിച്ച് കാണാവുന്ന ഒരു ത്രില്ലറും.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2019
Run Time : 2h 13min

🔻വീണ്ടും ചിന്തിപ്പിക്കുന്ന ഒരു കഥയുമായാണ് ആയുഷ്മാൻറെ വരവ്. കരിയർ ഗ്രാഫ് മുകളിലേക്ക് മാത്രം ഉയർത്തുന്ന ഘട്ടത്തിൽ ക്വാളിറ്റിയുടെ കാര്യത്തിൽ Dream Girl അൽപ്പം പതർച്ച നൽകിയെങ്കിലും Balaയിലൂടെ വീണ്ടും ട്രാക്കിലാവാൻ ആയുഷ്മാന് സാധിച്ചിട്ടുണ്ട്. തന്റെ കഷണ്ടിത്തല ഒരു ബലഹീനതയായി കൊണ്ടുനടക്കുന്ന ബാലയെന്ന ചെറുപ്പക്കാരന്റെ കഥയാണ് ചിത്രം കൈകാര്യം ചെയ്യുന്നത്. ബാലയുടെ കഥ നമ്മെ ചിന്തിപ്പിക്കുകയും ഒരുപാട് ചിരിപ്പിക്കുകയും ചെയ്യുന്നിടത്താണ് പ്രേക്ഷകനെ കയ്യിലെടുക്കുന്നതിൽ ചിത്രം വിജയിക്കുന്നത്.

🔻ആയുഷ്മാൻ ഖുറാനെയും യാമി ഗൗതമും ഭൂമി പട്നേക്കറും ഒരുമിച്ച് തകർത്തഭിനയിച്ച ചിത്രമാണ് Bala. സൗരഭ് ശുക്ലയടക്കമുള്ള ബാക്കിയുള്ള അഭിനേതാക്കളും ഇവരോടൊപ്പം തന്നെ നില്കുനുണ്ട്. സർക്കാസ്റ്റിക്കായി അവതരിപ്പിച്ച് പ്രേക്ഷകരെ  entertain ചെയ്ത് മുന്നേറുമ്പോഴും സിനിമ മുന്നോട്ട് വെക്കുന്ന ആശയത്തിൽ നിന്ന് തെല്ലും വ്യതിചലിക്കുന്നില്ല. ഭൂമിയുടെ റോൾ അതിനായി നല്ല രീതിയിൽ ഉപയോഗിച്ചിട്ടുണ്ട്. പക്ഷെ കരി വാരി തേച്ചത് പോലെയുള്ള മേക്കപ്പ് തീർത്തും അലോസരപ്പെടുത്തുന്നതായിരുന്നു. സിനിമയിൽ തോന്നിയ ആകെയൊരു പോരായ്മയും അത് തന്നെ.

🔻എല്ലാവരിലും ഒരു പോസിറ്റീവ് ഫീൽ നൽകുവാനും കോൺഫിഡൻസ് ലെവൽ വർദ്ധിപ്പിക്കാനും ചിത്രത്തിനായിട്ടുണ്ട്. ആയുഷ്മാൻറെ ബോഡി ലാംഗ്വേജ് അടക്കം ചിരിയുടെ പൂരം തീർക്കുമ്പോ പ്രേക്ഷകനെന്ന നിലയിൽ എന്നെ ഒരൽപം ചിന്തിപ്പിക്കുവാനും സിനിമക്ക് സാധിച്ചിട്ടുണ്ടെങ്കിൽ ബാല ഒരു വിജയം തന്നെയാണ്. ധൈര്യമായി സമീപിക്കാവുന്ന ഒരു entertainer എന്ന നിലയിലും നല്ലൊരു ചിത്രമെന്ന നിലയിലും Bala is a good flick.

ＡＢ ＲＡＴＥＳ ★★★½

ചിത്രം ടെലിഗ്രാം ചാനലിൽ ലഭ്യമാണ്. Abi Suggests

Year : 2011
Run Time : 1h 26min

🔻മനോഹരമായ തുടക്കവും പ്രേക്ഷകരെ ഒരു മാജിക്കൽ ഫീലിലേക്ക് എലവേറ്റ് ചെയ്യുന്ന പക്വമായ, പ്രണയാതുരമായ അവതരണവും. ഏറെ പ്രതീക്ഷയായിരുന്നു ഇത്തരത്തിലൊരു സ്വപ്നതുല്യമായ തുടക്കം ഒരു പ്രേക്ഷകന് എന്ന നിലയിൽ ലഭിച്ചപ്പോൾ. എന്നാൽ കഥാപാത്രങ്ങൾ തമ്മിലുള്ള കോൺഫ്ലിക്ടുകൾ കഥയിലേക്ക് കടന്നുവരുന്നത് മുതൽ ദുർബ്ബലമായിപ്പോവുന്നുണ്ട് അവതരണം. പ്രണയം നിറഞ്ഞുനിൽക്കുന്ന ഒരു രംഗം കഴിഞ്ഞുടനെ തന്നെ ഇരുവരും തമ്മിൽ പിരിയുന്ന കാരണമൊന്നും വ്യക്തമായി പറഞ്ഞ് വെക്കാൻ സാധിക്കാത്തിടത്ത് ആസ്വാദനം കുത്തനെ ഇടിയുന്നുണ്ട്. അവിടുന്ന് uplift ചെയ്യാൻ അൽപ്പം സമയം എടുക്കുന്നുമുണ്ട്. തുടർന്ന് വീണ്ടും പഴയ ഫീലിലേക്ക് ഉയർന്ന് വരുമ്പോൾ പാളിച്ചകളൊക്കെ മറക്കാൻ സാധിച്ചാൽ നല്ലൊരു റൊമാന്റിക്ക്  മൂവി ആസ്വദിക്കാം. ഫെലിസിറ്റിയുടെ ചിരിയിൽ പോലും അപാര ക്യൂട്ട്നെസ്സ് നിറഞ്ഞ് നിൽക്കുന്നുണ്ട്. ഫെലിസിറ്റിയെ ഏറ്റവും സുന്ദരിയായി കാണാൻ സാധിച്ചതും ഈ ചിത്രത്തിലാണ്. ഒപ്പം നല്ല പ്രകടനവും.

As a one time watchable movie, 'Like Crazy' is a recommended one.

ＡＢ ＲＡＴＥＳ ★★★☆☆

ചിത്രം ടെലിഗ്രാം ചാനലിൽ ലഭ്യമാണ്. Abi Suggests